7.         Mae pob prosiect a ariennir gan yr YEF yn cael ei werthuso’n annibynnol i’n galluogi ni i ddysgu rhagor am beth sy’n gweithio a beth nad yw'n gweithio i leihau trais ieuenctid. Bydd yn rhaid i chi weithio gyda phartner gwerthuso drwy gydol y prosiect hwn. Gwyliwch ein fideo ar werthuso.

•  Ydych chi wedi gwylio ein fideo?

 •  Ydych chi wedi rhannu’r wybodaeth hon â phenderfynwyr allweddol yn eich sefydliad ac â’ch partneriaid prosiect arfaethedig?

 •  A yw eich sefydliad chi ac unrhyw bartneriaid prosiect yn cytuno i weithio gyda gwerthuswr annibynnol?

 •  Os ydych chi’n dewis ydy, byddwn yn cymryd yn ganiataol am weddill y broses ymgeisio y byddwch chi’n cydymffurfio â’n hymagwedd ni. Nid yw’r YEF yn gallu cyfaddawdu ar hyn felly sicrhewch fod aelodau perthnasol eich sefydliad wedi darllen a deall ein hymagwedd ac wedi cytuno iddi.

8.  Mae’r Youth Endowment Fund yn bodoli i ddarganfod beth sy’n gweithio i atal plant a phobl ifanc rhag mynd ynghlwm â thrais. Rydym ni am i bobl ifanc gael y cymorth gorau posib ar yr adeg gywir. Golyga hyn fod rhaid i ni gynnal y mathau mwyaf cadarn o ymchwil. Yn y ffordd honno, bydd mwy o bobl ifanc yn derbyn y gwasanaethau sy’n seiliedig ar dystiolaeth maent yn eu haeddu. Golyga hyn y byddwn ni’n cynnal gwerthusiadau sydd â ‘grŵp rheoli’ o bobl ifanc nad ydynt yn cymryd rhan mewn gweithgaredd. Yn aml, mae angen dyrannu pobl ifanc i’r ‘grŵp rheoli’ hwn ar hap, fel arall mae’n amhosib gwybod a yw rhywbeth gwir yn gweithio. Dewiswch ‘ydy’ i gadarnhau eich bod chi’n deall mai dyma sut rydym ni’n gweithio neu ‘nac ydy’ os nad ydych chi am ein helpu ni i wneud hyn.

9. Er mwyn cynnig mathau cadarn o ymchwil, mae angen i’r prosiectau rydym ni’n eu cyllido gyrraedd nifer benodol o blant a phobl ifanc yn ystod oes eu grant. Mae hyn yn sicrhau y gall y prosiect gael ei werthuso ar raddfa sy’n arwain at dystiolaeth ystyrlon. Rydym ni’n cefnogi prosiectau i ddechrau’n gyflym a chawn fod ein hymagwedd yn gweithio orau i brosiectau a all gael eu cyflwyno’n effeithiol dros gyfnod cyfyngedig. Rydym ni’n disgwyl i uchafswm cyfnod darparu prosiect fod tua 24 mis. Gan ddibynnu ar y canlyniadau rydych chi’n bwriadu eu cyflawni, byddwn yn mynnu bod prosiectau yn cyrraedd rhwng 350 a 1,980 o blant a phobl ifanc yn y cyfnod hwn. A yw hyn yn swnio’n ddichonadwy am eich prosiect chi? 

Dewiswch yr opsiwn mwyaf perthnasol ar gyfer eich prosiect chi, naill ai: 

 - Ydyn - os oes gennych chi gapasiti eisoes i gyrraedd y nifer hwn o blant a phobl ifanc yn y cyfnod.  

 - Ydyn gyda chymorth yr YEF – os byddwch chi’n gallu cyrraedd y nifer hwn o blant a phobl ifanc yn y cyfnod gydag ychydig o amser ac adnoddau i adeiladu’ch rhwydweithiau a’ch gallu cyfeirio.  

 - Nac ydyn –  os nad ydych chi’n teimlo y gallwch chi ehangu’n gyflym i gyrraedd y nifer gofynnol o blant a phobl ifanc o fewn y cyfnod.   

10. Ein hymagwedd at werthuso - Rydym ni’n angerddol am ddeall beth sy’n gweithio i newid pethau i blant yn y tymor hir.  Rydym ni am osgoi hyrwyddo gwaith sy’n edrych yn wych ond nad yw’n gwneud gwahaniaeth hir-dymor. I osgoi hyn, mae’n ofynnol i brosiectau a ariennir gan YEF gytuno â’n dull o gasglu a storio data i alluogi dilyn canlyniadau yn yr hir-dymor drwy ein harchif data. Mae’r archif data yn golygu y byddwn ni’n gallu dysgu mwy am beth sy’n gweithio abeth nad yw’n gweithio i leihau trais ieuenctid yn yr hir-dymor.

Rydym ni’n ei gwneu dyn ofynnol i brosiectau ddefnyddio holiaduron Cryfder ac Anawsterau (SDQ) a’r raddfa Hunanadrodd Drwgweithredu (SRDS) fel dulliau gwerthuso.  Ni fyddwch yn gallu symud ymlaen gyda’n cyllid oni bai eich bod chi, eich sefydliad(au) a lle bo’n briodol eich partneriaid prosiect, wedi darllen, deall a chytuno i’n harchif data a’n defnydd o SDQ ac SRDS. Darllenwch ein Canllawiau Ymgeisio ac am ragor o wybodaeth ewch i'n gwefan.

- Ydych chi wedi darllen yr wybodaeth ategol a gwylio ein fideo?

- Ydych chi wedi rhannu’r wybodaeth hon â phenderfynwyr allweddol a/neu arweinwyr data perthnasol yn eich sefydliad ac â’ch partneriaid prosiect arfaethedig?

- A yw eich sefydliad a, lle bo’n briodol, partneriaid y prosiect, yn cytuno i'r archif data?

- Os ydych chi’n dewis ydyn, byddwn yn cymryd yn ganiataol am weddill y broses ymgeisio y byddwch chi’n cydymffurfio â’n hymagwedd. Nid yw YEF yn cyfaddawdu ar hyn felly sicrhewch fod aelodau perthnasol eich sefydliad wedi darllen a deall ein hymagwedd ac wedi cytuno i'r Archif Data.

Os oes gennych chi unrhyw gwestiynau neu ymholiadau, e-bostiwch grants@youthendowmentfund.org.uk